Өмір туралы ғылымдар орталығының зерттеушілерінің еңбектер жинағы жарық көрді

Өмір туралы ғылымдар орталығының зерттеушілерінің еңбектер жинағы жарық көрді

January 20, 2021

Өмір туралы ғылымдар орталығындағы зерттеушілердің салауатты ұзақ өмір сүруге арналған мақалаларын оқуға шақырамыз. Мақалалар жинағы өмір туралы ғылымдар орталығының он жылдығына арналған.

Read Scientific Proceedings Dedicated to the 10th Anniversary of CLS, NLA

ЖАС ҒАЛЫМДАР ҚР БҒМ МЕМЛЕКЕТТІК ҒЫЛЫМИ СТИПЕНДИЯСЫНЫҢ ИЕГЕРЛЕРІ АТАНДЫ

ЖАС ҒАЛЫМДАР ҚР БҒМ МЕМЛЕКЕТТІК ҒЫЛЫМИ СТИПЕНДИЯСЫНЫҢ ИЕГЕРЛЕРІ АТАНДЫ

December 22, 2020

Шыңғыс Серғазы мен Айым Қайырлықызы ҚР Білім және ғылым министрлігінің жас дарындарға арналған мемлекеттік ғылыми стипендиясының иегерлері атанды. Стипендия мемлекет үшін басым бағыттарда, кадрларды дайындауда іргелі немесе қолданбалы зерттеулер жүргізуге белсенді қатысатын дарынды жас ғалымдарға тағайындалады.

 

Сонымен қатар, Фархад Олжаев «Денсаулық сақтау ісінің үздігі» төсбелгісімен марапатталды, ол денсаулық сақтау саласындағы практикалық денсаулық сақтауды дамытуға, медицина ғылымын, білім беру мен инновацияларды дамытуға қосқан үлесі үшін.

 

 

Өмір туралы ғылымдар орталығының 10 жылдығына арналған «Modern Perspectives for Biomedical Sciences: From Bench to Bedside» атты халықаралық конференция  материалдары

Өмір туралы ғылымдар орталығының 10 жылдығына арналған «Modern Perspectives for Biomedical Sciences: From Bench to Bedside» атты халықаралық конференция материалдары

July 1, 2020

 Лого CLS 2020 новый.cdrӨмір туралы ғылымдар орталығының 10 жылдығына арналған «Modern Perspectives for Biomedical Sciences: From Bench to Bedside» атты халықаралық конференция  материалдарың мына жерден алуға болады:

Book of abstracts NLA

НУ зерттеушілері COVID-19-бен ауырған адамдардың ДНҚ-сын талдайтын болады

НУ зерттеушілері COVID-19-бен ауырған адамдардың ДНҚ-сын талдайтын болады

May 28, 2020

Назарбаев Университетінің National Laboratory Astana ғалымдары Қазақстанда COVID-19-бен ауырған адамдардың ДНҚ-сын зерттеуді жоспарлап отыр. Қазіргі уақытта биоматериалды алу үшін хаттамалар жасалып жатыр, ауруханаларда қан сынамаларын алу басталды. Бастапқы материалдармен барлық жұмыстар ауру жұқтырған материалдармен жұмыс істеуге рұқсаты бар зертханалардың негізінде жүргізілетін болады.

Атап айтқанда, Назарбаев Университетінің ғалымдары коронавирус инфекциясы бар пациенттердің ДНҚ-сын зерттеуді жоспарлап отыр, коронавируспен ауыратын науқастардың толық геномдарын және коронавирустардың геномдарын өздері реттеп, инфекция процесінің клиникалық ағымы мен адам ағзасының жеке ерекшеліктерін анықтайды. Айта кету керек,  Назарбаев Университетінің National Laboratory Astana зертханасында тапсырмаларды орындау үшін қажетті жабдықтар, инфрақұрылым бар және тиісті ғылыми-зерттеу тәжірибесі жинақталған.

«Бастапқы процедуралардан кейін қауіпсіз материал Геномдық және дербес медицина зертханасының жаңа буын секвенерлерін қолдана отырып, Назарбаев Университетінің жоғары технологиялық зертханаларында талданатын болады, ал секвенирлеу деректерін талдауды биоинформатиктер Биоинформатика және жүйелік биология зертханасында жүргізеді», – дейді  PhD, медицина докторы Айнұр Ақылжанова,  Геномдық және дербес медицина зертханасының жетекшісі.

Жақында Қазақстан Республикасының Үкіметі бекіткен Жеке медицинаны енгізудің 2020-2022 жылдарға арналған ұлттық бағдарламасы – бұл созылмалы жұқпалы емес аурулардың алдын-алу және ерте диагноз қоюға баса назар аударып, олардың жетекші түрлері үшін дербестендірілген медицинаның ғылыми негізін құрайтын алғашқы ірі бағдарлама. Қазақ халқының генетикалық бейімділігімен қатар ғалымдар терапияның фармакогенетикалық аспектілерін зерттейтін болады.

Бағдарлама аясында Қазақстанның барлық аймақтарында негізгі созылмалы аурулардың нақты таралуын және алғашқы медициналық-санитарлық көмек ұйымдарының COVID-19 пандемиясы жағдайында жұмыс істеуге дайындығын бағалау үшін эпидемиологиялық зерттеу жүргізілетіндігін атап өткен жөн. Жоспарланған зерттеуде SARS-CoV-2 антиденелері де осы инфекцияға ұжымдық иммунитетті қалыптастыру сұрағына жауап береді.

Профессор Жумадилов Жапонияның орденімен марапатталды

Профессор Жумадилов Жапонияның орденімен марапатталды

April 29, 2020

Бүгін Жапония Үкіметі биылғы көктемде орденмен марапатталатын шетелдік азаматтардың тізімін жариялады. Кавалерлердің қатарында Қазақстан Республикасының азаматы, «University Medical Center» корпоративтік қорының Басқарма Төрағасы, National Laboratory Astana  Бас Директоры, медицина ғылымдарының докторы, профессор Жұмаділов Жақсыбай Шаймарданұлы 

да бар.  

Профессор Жақсыбай Шаймарданұлына Жапония мен Қазақстан арасындағы қарым-қатынасты нығайтуға қосқан үлесі, радиациялық әсерді зерттеу және зардап шеккендердің 

денсаулығын нығайту саласындағы еңбегі үшін «Көтеріліп келе жатқан күн ордені. Алтын шуақ 

мойынға тағатын бауымен» табыс етіледі. 

Бұған дейін Жапония императоры ордендерінің иегерлерімен марапатталған қазақстандықтардың арасында Қазақстанның Тұңғыш Президенті Нұрсұлтан Назарбаев, профессор Төлебай Рахыпбеков, ақын және қоғам қайраткері Олжас Сүлейменов және ҚР басқа да көрнекті қайраткерлері болғанын атап өткен жөн.

Биоинформатика Мектебі 2020

Биоинформатика Мектебі 2020

January 27, 2020

"Modern Perspectives for Biomedical Sciences: from Bench to Bedside" атындығы халықаралық мерейтойлық конференция аясында Биоинформатика Мектебі (14-15 мамыр, 2020 ж.) Назарбаев Университеті, NLA, Өмір туралы ғылымдар орталығы, Биоинформатика және жүйелік биология зертханасы базасында ұйымдастырылады. Биоинформатика мектебінің әлеуетті қатысушылары (20-дан көп емес) конкурс негізде таңдалады. Биоинформатика мектебіне қатысу тегін. Мектепке қатысу үшін сізден резюме, жарияланымдар тізімін, ынталандыру хат пен еркін түрде гипотезалары бар шағын жобаны дайындап, bsb@nu.edu.kz және ulykbek.kairov@nu.edu.kz электронды поштасына

#БиоинформатикаМектебі жазуымен жіберулеріңізді сұраймыз.

Мектептің үздік қатысушылары Биоинформатика және жүйелік биология зертханасында тегін түрде тағылымдамадан өту туралы сертификат алады және ағымдағы ғылыми жобаларды жүзеге асыруға қатысады.

Биоинформатика мектебі кім үшін ұйымдастырылады және әлеуетті қатысушы бола алады: бакалав/магистр/докторант студенті/кандидат/зерттеуші/клиника дәрігері/IT маманы/ биоинформатиканы талдау міндеттерімен бетпе-бет кездескен маман немесе заманауи геномика, биоинформатика және жүйелер биологиясы саласында жаңа білім алуға мүдделі маман

Неліктен және неге біз Биоинформатика мектебін ұйымдастырамыз: жақында Қазақстанның көптеген ғылыми орталықтары мен зерттеу орталықтары геномдық мәліметтерді талдау жасағанда көптеген мәселелерге тап болып, бізге түрлі сұрақтады жолдады, сондықтан біз биоинформатиканың кейбір жалпы міндеттерін біріктіріп, жинақталған білім мен тәжірибе бөлісуді жөн көрдік.

Биоинформатика мектебі қалай ұйымдастырылады: теория мен практика форматында.

Биоинформатика мектебі қай тілде өтеді: орыс тілінде.

Нысандар: бактериялық геном, толық транскриптом және адамның толық геномы.

Биоинформатика мектебі байқауына қатысу үшін үміткерлер келесі құжаттарды дайындау керек:

  1. Түйіндеме және жарияланымдар тізімі (бар болса)
  2. Мотивациялық хат (3 беттен аспауы керек)
  3. Гипотеза мен биоинформатика мәселесі бар шағын жоба (3 беттен аспауы керек).
NLA-орталығының ақпараттық дайджесі шығаруда

NLA-орталығының ақпараттық дайджесі шығаруда

January 5, 2020

NLA NEWSLETTER 2019 vol 2Қүрметті оқырмандар, сіздерді жаңа  2019 NLA-орталығының ақпараттық дайджесін (vol 2) оқуға шақырамыз

NLA-орталығының ақпараттық дайджесі шығаруда

NLA-орталығының ақпараттық дайджесі шығаруда

August 16, 2019

ҚNLA newsletter 2019 (vol1)үрметті оқырмандар, сіздерді жаңа  2019 NLA-орталығының ақпараттық дайджесін оқуға шақырамыз.

Кәрілік деменциясына қарсы күресте ұялы телефондарды пайдалану

Кәрілік деменциясына қарсы күресте ұялы телефондарды пайдалану

July 17, 2019

National Laboratory Astana-орталығында ұялы телефондарды кәрілік деменциясын емдеу үшін пайдалану мүмкіндіктері зерттелуде. Ғалымдар Альцгеймер ауруын (АА) емдеу үшін 918 МГц жиіліктегі электромагниттік өрісті қолдану мүмкіндігін зерттей бастады. 918 МГц жиілігін таңдау кездейсоқ емес, себебі бұл жиілік кәдімгі ұялы телефондарда пайдаланылады.

АА- жас ұлғайған сайын ақыл-естің кемуінің кең тараған түрі, әдетте, жадының жоғалуымен, мінез – құлықтың драмалық өзгерістерімен, ал соңғы сатыларда қалыпты күнделікті тіршілікті жүзеге асыру мүмкін еместігімен сипатталады. Ғалымдардың пікірінше, аурудың даму себебі мидың тіндерінде бета-амилоид (Aβ42) уытты пептидінің жинақталуы болып табылады, бұл тотығу стресіне, нейроқабынуға, митохондриальды дисфункцияға және ақырында – жүйке жасушаларының өлуіне әкеледі.

Назарбаев Университетінің National Laboratory Astana ғалымдарының зерттеулері (сайтқа сілтеме) 918 МГц жиіліктегі электромагниттік өріс бета-амилоид тудырған ми жасушаларында тотығу стресін бұғаттайтын механизмді көрсетеді.

– Біз АҚШ ғалымдары зерттеулерінің нәтижелерін зерделедік, олар электромагниттік сәуленің дәл осындай параметрлерімен, бірақ сәулеленудің 6 ай ұзақтығымен эксперимент жүргізген екен. Біздің тәжірибемізде біз адам мен егеуқұйрықтардың астроциттердің (жасуша-модельдер) екпелерін және сәулеленудің 60 минуттық қысқа кезеңін пайдаландық. 24 сағатқа дейінгі кезеңде 918 МГц жиіліктегі электромагниттік өрісте жасушаларды сәулелендіру кезінде алынған зерттеулеріміздің нәтижелері электромагниттік өрістің тотығу стресін басу қабілетін растады, бұл терапиялық әсерді көрсетеді, – дейді ЖМ Биоинженерия және регенеративті медицина зертханасының ғылыми қызметкері Андрей Цой. Осылайша, 918 МГц жиіліктегі электромагниттік өрісті сәулелендіру АА науқастарын емдеуде қолданылуы мүмкін. Алынған мәліметтерді ескере отырып Назарбаев Университетінің ғалымдары осы бағыттағы зерттеулерді жалғастыруды жоспарлап отыр.

NLA-орталығында дәрілерге төзімді туберкулез штаммдарын зерттейді

NLA-орталығында дәрілерге төзімді туберкулез штаммдарын зерттейді

April 18, 2019

Дүниежүзілік денсаулық сақтау ұйымының мәліметтері бойынша әлемде күн сайын туберкулезден 4 500-ге жуық адам қайтыс болады және  30 000 адам осы ауруға шалдығады. Соңғы онжылдықта көптік (мультирезистентті) және кең ауқымды дәрілерге төзімділігі бар туберкулездің пайда болуы осы аурумен күрестегі медицинана  жетістіктеріне қауіп төндіріп отыр.

Назарбаев Университетінде де туберкулезге қатысты зерттеулер белсенді түрде жүргізілуде. Ғалымдар негізгі туберкулезге қарсы препараттарға төзімділікті анықтайтын факторларды гендік деңгейде анықтауға тырысуда.  «National Laboratory Astana» ЖМ, Өмір туралы ғылымдар орталығының ғалымдары М.tuberculosis генетикалық тұқымдастарының құрылымын анықтау бойынша клиникалық изоляттарды генотиптеуді өткізгеннен кейін, Қазақстанда кездесетін туберкулез штаммдарының жеті негізгі генотиптерін анықтады.

– W-Beijing тұқымдасы Азия аймағы елдерінде кең тараған және туберкулезге қарсы препараттарға дәрілік төзімділікпен ассоциацияланған . Біз бұл түр туберкулезбен алғаш рет ауырған  науқастардың 60%-да және бұрын емделген туберкулезбен ауыратын науқастардың 83%-да басым екенін анықтадық, – деп хабарлады «National Laboratory Astana» ЖМ, Геномдық және дербес медицина зертханасының жетекші ғылыми қызметкері Ұлан Қожамқұлов.

Beijing (Пекиндік) тұқымдасы Азия елдерінде жиі кездеседі, бірақ бүгін оны әлемнің кез-келген бөлігінде табуға болады және көбінесе жастардың арасында басым. Алғаш рет Beijing тұқымдасының штаммдары Нью-Йоркте (АҚШ) 1990-шы жылдары мультирезистентті туберкулез ошақтарын анықтау  кезінде идентификацияланды. 1995 жылы осындай сипаттамалары бар М. tuberculosis изоляттары Пекин қаласында (Қытай) табылды және бұл топ Пекиндік «Beijing» деп аталды, себебі барлық изоляттардың 92% осы тұқымдасқа тиесілі болды. Еуропа мемлекеттері арасында W-Beijing штаммдары негізінен Шығыс Еуропа мен бұрынғы КСРО елдерінде таралған.

NLA зерттеушілері туберкулезге қарсы препараттарға сезімтал, мультирезистентті М.tuberculosis клиникалық штаммдары мен кең дәрілік препараттарға төзімділігі бар штаммдардың толық геномдарының салыстырмалы биоинформатикалық анализін өткізді.  Нәтижесінде, дәрілік-төзімді штаммдарда 4  ортақгенетикалық локус (PE_PPE тұқымдасының гендері) анықталды, ал дәрілік-сезімтал штаммдарда бұл гендер жоқ болып шықты. Назарбаев Университетінің ғалымдары дәл осы гендер ағзаны туберкулездің дәрілік-төзімді штаммдарымен жұқтыруына ықпал ете отырып, аурудың ағымын нашарлатуы мүмкін деп санайды. 

Енді ғалымдар қазақстандық дәрілік-төзімді штаммдарының анықталған геномдарының нәтижелерін халықаралық мәліметтер базасымен салыстырғысы келеді. Бұл туберкулез қоздырғыштарының дәрілік препараттарға төзімділігінің пайда болу механизмдерін жақсы түсінуге мүмкіндік береді және туберкулездің, вакциналардың және туберкулезге қарсы жаңа препараттардың жақсартылған диагностикасын әзірлеуге ықпал ететін болады.